Қариларға құрмет көрсетілді
Ақтөбе қалалық орталық мешітінің бас имамы Нұрлыбек Шакизадаұлының бастамасымен және жергілікті кәсіпкер азаматтардың қолдауымен екі бірдей қариға көлік сыйланды.
Оның бірі Ақтөбе қалалық орталық мешітінің наиб имамы Ерәлі Құлмағанбетұлы болса, екінші қари Ақтөбе медресе колледжінің ұстазы Хабиболла Раушан.
Аталған екі бірдей дін мамандары өңірімізде Алланың сөзін өзгелерге үйретіп, алған ілімдерін жергілікті жұртшылыққа тартуда аянбай еңбек етіп келеді. Жас та болса, асыл дініміз үшін жасап жатқан қызметтерін ескеріп, жомарт, кәсіпкер азаматтар: «Құран жаттаған азаматтарға көрсетілген сый, Алланың сөзіне деген құрмет. Діннің қызметтінде болған әрбір азаматқа жасалған ілтипат, Алланың разылығына жол болмақ» деп атап өтті.
Айта кетейік, аталған екі қари да Республикалық Құран жарыстарында Ақтөбе облысының намысын қорғап, жүлделі орындарды да иеленіп жүр.
Осындай ізгі іске бастамашы болып, демеушілік танытқан барша азаматтарға алғыс білдіріп, кәсіптеріне береке тілейміз!
