Қалалық мешітте жазғы сауат ашу курсы басталды
Әр жыл сайын дәстүрге сай өтетін «Имани жаз» жазғы сауат ашу курсы Ақтөбе қалалық орталық мешітінде өз жұмысын бастады.
Жазғы сауат ашу курсының мақсаты- балаларға асыл дініміздің негізгі қайнар көзі мен құндылығын үйретіп, адамгершілік, имандылық тәрбиесін бойларына сіңдіру.
Аталған сауат ашу курста Құран әліппесі , иман негіздері, Пайғамбар өмірбаяны, ислам әдебі бойынша сабақ беріледі. Жазғы демалыс уақытын пайдалы әрі берекелі өткізуді қалаған балаларға мешіттің бас имамы Нұрлыбек Шакизадаұлы:
“Жазғы демалыс кезін мешітке арнап, имандылық дәрістеріне ден қойып келген ниеттеріңе сәттілік тілеймін! Еліне адал қызмет етіп, ата-анасын құрмет қылып сыйлайтын, қоғамға пайдалы азамат болып өсулеріңе шын жүректен тілектеспін,”-деп ыстық ықыласын білдіріп өтті. Сондай-ақ, ата-аналар тарапына да ризашылығын айтып, ізгі ниетін жеткізді.
Аталған жазғы сауат ашу курсы екі маусым бойы жұмыс жасайды. Бастапқы кезең 27-мамырдан 15-маусымға дейін болса, екінші лек 24-маусым мен 13-шілде аралығында өткізілмек. Екінші кезеңге ниет білдіруші ата-аналар мешітке келіп, арнайы өтініш толтыруы қажет. Өйткені, орын саны шектеулі, 30 ер және 30 қыз бала ғана қабылданады.
Жас шектеуі 9-14 аралығы екендігін естеріңізге саламыз.
