Серікжан Еншібайұлы көпбалалы және жалғыз басты аналарға құрбан сыйын жасады
Бүгін Ақтөбе облысының Бас имамы Серікжан Еншібайұлы көпбалалы, аз қамтылған және мүмкіндігі шектеулі отбасыларды, жалғыз басты аналарды Құрбан айтпен құттықтады.
«Күллі мұсылман қауымының ұлық мерекесі – Құрбан айт мейрамымен баршаңызды шын жүректен құттықтаймын! Бұл мереке мейірім мен шапағаттың, ізгілік пен жомарттықтың қазығы ретінде қоғамның рухани-адамгершілік негізін нығайтуға ықпал етеді. Берекеге бастаған құрбан айт ұлттар мен ұлыстарды мейірімділікке, игілікке, бірлікке, мейірім мен кешірімге үндейді. Айт – ағайынның ауызбіршілігін арттыра түсетін, мұсылман қауымын имандылыққа ұйытып, барша адамды қанағат пен тәубеге шақыратын мейрам»,-деді Серікжан Еншібайұлы.
Облыстың бас имамы ҚМДБ-ның төрағасы, Бас мүфти Наурызбай қажы Тағанұлы хазреттің бастамасымен іске асып жатқан «QURBAN-2023» қайырымдылық акциясы аясында ұлық мереке туралы насихат айтып, құрбан етін үлестірді.
Игі бастама арқылы қуаныш сыйлаған имамдарға аналар алғысын білдірді.
Ақтөбе облыстық орталық
«Нұр Ғасыр» мешітінің баспасөз қызметі
