Наиб имам дін мен дәстүр сабақтастығы туралы насихат айтты

Ақтөбе облыстық орталық «Нұр Ғасыр» мешітінің наиб имамы Мәди Орынбай «Сүлеймен ата» мешітінде жамағатқа дін мен дәстүр сабақтастығы туралы насихат айтты. 

«Қазақ халқының күнделікті тұрмыс тіршілігі, әрбір іс-әрекеті Исламмен астасып жатыр. Мәселен, қазақтың ең үлкен дәстүрлі тойларының бірі – шілдехана. Баланың дүниеге келуі – бір ғана отбасының емес, бүкіл ауылдың, елдің қуанышы болған. Сондықтан ата-бабаларымыз сәби дүниеге келген кезде салт-дәстүр бойынша жаңа туған нәрестеге арнап қой сойған. Бұл дәстүр шариғатта «ақиқа» деп аталады. Ал қазақ салт-дәстүрі бойынша «қалжа» делінеді»,-деп наиб имам маңыздылығын атап өтті.

Насихатқа қатысушы жамағат өздерін мазалаған дін мен дәстүр аясындағы сұрақтарға толыққанды тұщымды жауап алды.

Ақтөбе облыстық орталық

 «Нұр Ғасыр» мешітінің баспасөз қызметі