«Мәйітті жуындыру және кебіндеу» тақырыбында практикалық семинар ұйымдастырылды
Ақтөбе қаласындағы «Бақытжан» мешітінің әйел жамағатына «Мәйітті жуындыру және кебіндеу» тақырыбында практикалық семинар өтіп, оған 34 адам қатысты.
Семинар барысында мешіт ұстазы Анар Қойшығұлова «Өмірдің мәні», «Өлім ақиқат» т.б тақырыптарда уағыз-насихат айтты.
Сонымен қатар ұстаз әйел адамдардың ақырет киімдері, олардың атаулары мен түрлері, өлшемдері туралы баяндап, іс жүзінде әйел киімдерін пішіп, таныстырды.
Одан кейін мәйітті жуу тәртібі, ескерілетін жағдайлар, тыйымдар, жуу барысында қажетті заттар туралы кеңірек тоқталды.
Практикалық семинарды қорыту мақсатында ұстаз Анар Қойшығұлова шәкірті Гүлсара Ереновамен бірге іс жүзінде «Мәйітті жуындыру және кебіндеу» бастан-аяқ көрсетіліп шықты.
Айта кетсек, әр қатысушы аса зейінмен қатысып, әр маңызды жерлерін қағазға түртіп, көкейлеріне түйді.
Ақтөбе облыстық орталық
«Нұр Ғасыр» мешітінің баспасөз қызметі
