Әйел жамағаты арасында воллейболдан турнир өтті.
Темір аудандық “Досжан Ишан” мешіті мен Темір аудандық жастар арасындағы дін істері орталығының ұйымдастыруымен Республика күніне орай әйел жамағаты арасында “Воллейбол” ойынынан турнир өтті.
Топтық ойынға барлығы 7 команда: Темір ауданына қарасты Қайыңды ауылынан Жұлдыз тобы, Қопа ауылынан Достық тобы, Тасқопа ауылынан Тасқопа тобы және де Шұбарқұдық елді мекенінен Бірлік, Нұр, Махаббат, Гүлстан топтары қатысты.
Жүлделі 1-ші орын Достық тобы (Қопа) 30 мың, 2-ші орын Гүлстан тобы (Шұбарқұдық) 20 мың, 3-ші орын Тасқопа тобы (Тасқопа)10 мың ақшалай ұтыспен және де Достанова Ботагөз “Үздік ойыншы”, Есдәулет Бекзат “Үздік шабуылдаушы” және Шоқанқызы Пәксезім “Үздік қорғаушы” номинацияларымен марапатталды.
Сондай ақ, барлық қатысушыларға алғыс хаттар мен ынталандыру сыйлықтары табысталып, дастархан жайылды. Жамағаттың ауызбіршілігін арттыру мақсатында өткізілген турнир өте қызықты әрі тартысты болды.
