НАУРЫЗБАЙ ҚАЖЫ ТАҒАНҰЛЫ «АҚТӨБЕ» МЕДРЕСЕ-КОЛЛЕДЖІН АРАЛАДЫ (ФОТО)
Қазақстан мұсылмандары діни басқармасының төрағасы Наурызбай қажы Тағанұлы Ақтөбе облысына барған жұмыс сапарында Алға ауданында орналасқан «Ақтөбе» медресе-колледжінің жұмысымен танысты.
Медресе-колледж директоры Әбдімүтәлі Дәуренбеков оқу ордасында жүзеге асып жатқан игі бастамалар жайлы баяндады.
«Жыл басында дін қызметкерлеріне жолдаған бағдарлық баяндамамда медресе-колледждердің жұмысына назар аудардым. Медресенің жүрегі саналатын ұстаздардың да жағдайын ескереуміз керек. Біз қазір медресе-колледждерге арналған бірыңғай бағдарлама әзірлеп, «Үздіксіз білім беру концепциясын» дайындадық. «Жас маман, ауылға қадам бас маман» жобасын қолға алдық. Мақсатымыз – жас мамандарды ауылға діни қызметке тарту, білім сапасын көтеру, мешіттерді білімді діни кадрлармен қамтамасыз ету» деп атап өтті Наурызбай қажы Тағанұлы.
Оқу ордасының жұмысымен танысқан Бас мүфти медресе-колледж директорына нақты тапсырмалар берді.
