Бүгін Ақтөбе жұртышылығы таң сәріден тұрып мерекелік айт намазын оқуға мешітке жиналды. Мешітке симаған жамағат сыртта сап түзеді. Мұсылман жамағатын ұлық мерекемен құттықтау үшін Ақтөбе облысының әкімі Бердібек Сапарбаев «Нұр Ғасыр» мешітіне арнайы келіп, көпшілікпен бірге айт намазын оқыды. Сонымен қатар намазға Қазақстан Халықтары Ассамблеясының төраға орынбасары Ералы Тоғжанов та қатысты.

Биылғы Ораза айт мерекесінің басты ерекшелігі – Облыс басшысы Бердібек Мәшбекұлының тікелей қолдауымен мешіт ауласына 7 киіз үй тігілді. Айтқа келген көпшілік қауымға айттық дастархандар жайылып, дәм ұсынылды. Жастар арасында ұлттық ойындар ойнатылып, жеңімпаздар арнайы сыйлықтармен марапатталды. Мерекелік шараға шамамен 5500-ге жуық адам қатысты. Мешіт ауласындағы мерекелік шараға қаладағы этно-мәдени орталықтардың да өкілдері белсене қатысты.

Айтқа арнайы ұйымдастырылған іс-шаралар жамағатқа мерекелік көңіл-күй сыйлап, айт мерекесін ұлттық сипатта атап өтуге мүмкіндік берді. Сондай-ақ, дін мен дәстүрдің біте қайнасқандығының нақты көрінісін паш етті.

Отыз күн бойы ораза ұстаған ақтөбеліктер жамағат болып елдің амандығы мен тұрақтылығын Тәңірден тілеп, бірін-бірі құттықтады. Өз кезегінде мешіт жамағаты мен ақсақалдары облыс әкіміне елдің әлеуетін арттыру мен бірлігін нығайту жолындағы еңбектеріне және айт мерекесіне орай ұйымдастырылған іс-шаралар үшін ризашылықтарын білдірді. Естеріңізге сала кетейік, «Нұр Ғасыр» мешітінің алдында ұйымдастырылып жатқан іс-шаралар кешке дейін жалғасын таппақ.

 

«Нұр Ғасыр» облыстық орталық мешітінің баспасөз қызметі

 1 3 4IMG_2933 IMG_3033IMG_29856IMG_3038   IMG_3021   IMG_2974 IMG_2970  IMG_2925  DSC_0351 10 8,1DSC_0334 IMG_30232526DSC_038723IMG_307514,1

 

Қасиетті Қадір түні Ақтөбе облысының әкімі Бердібек Сапарбаев облыстық орталық «Нұр Ғасыр» мешітінде мұсылман жамағатына ауызашар берді. Оған зиялы қауым, ақсақалдар, қажылар, мұғалімдер мен дәрігерлер және мешіт жамағаты т.б. ораза ұстағандар қатысты.

Әкім Б.Сапарбаев: «Әрбір мұсылман өз мүмкіндігіне қарай Рамазан айында барлық құлшылықтарды орындайды. Ораза ұстап, мұқтаж жандарға көмектеседі, қайырымдылық жасайды. Бәрі де қабыл болсын! Бұл біздің отбасымызда жиырма жылдан бері келе жатқан дәстүріміз. Ауызашардан кейін жеңілденіп қаламыз», — деді өз сөзінде.

Ауызашар дастарханында сөз алған ел зиялылары халықты ауызбіршілікке шақырды. Солардың бірі белгілі қоғам қайтаркері, профессор Амангелді Айталы: «Абай адамдардың әртүрлі деңгейдегі санасы барын айтады: біреу берекетсіз өмір сүреді, осы өмірге келгенін түсінбейді. Олар жақсы мен жаманды айырмай, көппен бірге жүре береді. Біреу жақсы мен жаманды біледі, жаманды таңдайды. Енді бір адам жақсыны да, жаманды да біледі, жақсы жолды таңдайды. Нәпсіні бағындырады. Осы адамдар ораза ұстайды. Қара шаңырағымыз аман, бірлігіміз мәңгілік болсын! Біз бірліктің негізінде ғана ел боламыз», — деген тілегін білдірді.

Өкіл имам Төлеби Оспан жиналған жұртшылыққа уағыз айтып, жамағатты ынтымақ-бірлікке үндеді. «Бүгінгі түн сауабы мың айға тең келетін қасиетті Қадір түні. Сол себепті, баршамыз бүгін ұрпақтың амандығын, елдің тыныштығын тілейік. Мұсылмандар арасындағы бүлік пайғамбар заманында да, әділетті Халифалар дәуірінде де болған. Тарихқа қарап отырсаңыз фитна салған бүлікшінің қол шоқпарына айналғандардың көбі бәдәуи арабтар еді. Яғни, білім, ғылымнан, өркениеттен алыс шөл дала тұрғындары. Бүгін де сол адасушылыққа жол беріп, қазақтың нанын жеп, лаңкестің әнін салып жүргендер де білім мен ғылымнан алыс адамдар. Кезінде Халифалар мен мұсылмандар мұндай алауыздықтың алдын тек бірлікпен және жұдырықтай жұмылумен және білімділікпен ауыздықтаған-ды. Сол себепті, біз де бүгінгі алауыздық туғызғысы келетіндерге осылайша ауызбірлікшілікпен және білімділікпен тосқауыл қоя аламыз», — деген өкіл имам барша ақтөбеліктерді ауызбіршілікпен әрекет етуге шақырды.

Ауызашар соңында Құран оқылып, ел тыныштығы үшін алақан жайып, дұға жасалды. Облыс әкімі ақтөбеліктерге Құран Кәрімнің араб тіліндегі нұсқасын таратып берді.

 

«Нұр Ғасыр» облыстық орталық мешітінің баспасөз қызметі

IMG_0002 IMG_0006 IMG_0014 IMG_0017 IMG_0020 IMG_0037 IMG_0045 IMG_0054 IMG_9746 IMG_9766 IMG_9774 IMG_9778 IMG_9787 IMG_9815 IMG_9826 IMG_9835 IMG_9842 IMG_9850

 

Қадір түні Ақтөбе қаласындағы мешіттерде Құран хатым батасы жасалды. «Нұр Ғасыр» облыстық орталық мешітінде өкіл имам Төлеби Оспан уағыз жүргізіп, жамағатқа Қадір түнінің ерекшеліктері жөнінде және мұсылман баласына тән кешірімді болу сипатын тарқатты. Тақырыпқа қатысты Құран аяттары мен пайғамбарымыздың (с.ғ.с.) кешірімділігін сөз етті. Сондай-ақ, теолог Асқар Сабдинды арнайы шақырып, жамағат алдында уағызға шығарды.

Осы түні Рамазан айының алғашқы күнінен бастап оқылып жатқан Құран хатымның соңғы парасы түсіріліп, Құран хатымның батасы жасалды. Құран хатым түсірген Түркиядан келген Кылыч Ахмад қари пен алматылық Инаятулла Мансур қариға қазақи дәстүрімізге сай жамағат атынан шапан жауып, алғыс хат берілді. Сонымен қатар «Нұр Ғасыр» мешітінде жамағаттың құрметіне 500 адамға арналған сәресі дастарханы жайылды.

Сондай-ақ, Ақтөбе қалалық орталық мешітінде Тикен Қиям мен ақтөбелік Саламат қари, «Нұрдаулет» мешітінде Дашқыран Мурад қари және «Қабақ баба» мешітінде Қайназар Сапарбек пен Нұрғалиев Абдулла қарилар Қадір түні Құран хатымды сәтті аяқтап, батасын жасады.

Бір қуантары бұл түні жамағаттың ортақ тілегі – елдің тыныштығы мен тұрақтылығына арналды. Лайым Жаратқан Иеміз көпшіліктің дұғасын қабыл еткей!

 

«Нұр Ғасыр» облыстық орталық мешітінің баспасөз қызметі

IMG_9998 IMG_9983 IMG_9982 IMG_9974 IMG_9966 IMG_9953 IMG_9952 IMG_9936 IMG_9928 IMG_9922 IMG_9917 IMG_9908 IMG_9895 IMG_9893 IMG_9885 IMG_0073 IMG_0065 IMG_0063

Кеше «Нұр Ғасыр» облыстық орталық мешітінің ұйымдастыруымен «Берекелі Рамазан» атты Бас мүфти атынан ауызашар дастарханы жайылды. Ауызашарға әкімдік қызметкерлері, зиялы қауым өкілдері, ақсақалдар, журналистер, теологтар мен имамдар және мешіт жамағаты қатысты. Ауызашар шымылдығы Ұлы Отан Соғысының ардагері Назарбек ақсақалдың батасымен ашылды.

Дастархан басында қоғам қайраткері, профессор Амангелді Айталы, Дін істері басқармасының Басшысы Б.Есмахан, облыстық мүгедектер қоғамының төрағасы Қ.Бітіков сынды қонақтар Бас мүфти Ержан қажы Малғажыұлына ризашылықтарын айта келе ыстық ықыластарын білдірді.

Өз кезегінде өкіл имам Төлеби Оспан қонақтарға Бас мүфтидің сәлемін жеткізіп, қасиетті Қадір түнінің артықшылығы, ораза ғибадатының негізгі миссиясы – нәпсіні тәрбиелеу екендігі және Рамазан айында атқарылып жатқан игі істермен таныстырды.

Мәселен, Ақтөбе қаласында Рамазан айының құрметіне «Оразаның әр күніне бір сауап» атты акция аясында бір қатар сауапты іс-шаралар атқарылған.

Нақтырақ айтқанда, оразаға қатысты ақпараттық парақшалар тарату, қарт кісілердің үй шаруасына көмектесіп, үйлерін жинастырып беру, дүкендерде тегін нан тарату, мұқтаж отбасына қайырымдылық көмек көрсету, үй салып жатқан отбасыларға қазақи дәстүр бойынша асарлатып көмек көрсету, мешіт жамағатына арнап күнделікті ауызашар дастарханын жаю, тарауих намазына келген жамағатқа тегін такси ұйымдастыру, қарттар үйінде арнайы ауызашар дастарханын ұйымдастыру сынды іс-шаралар  атқарылды. Сонымен қатар демеушілердің көмегімен «Нұр Мүбәрак» университетінің ақылы бөлімінде оқып жатқан ақтөбелік 2 курс студентінің 350 000 теңге оқу ақысын төлеп берген. Күні кеше «Рамазан – Рақым айы» атты қайырымдылық шарасын ауқымды деңгейде өткізіліп, қаладағы 100 мұқтаж отбасына азық-түлікпен көмек көрсетілген. Бұл шаралардың барлығы мешіт жамағатының қолдауымен жүзеге асырылуда. Атсалысқан азаматтарға Алла разы болсын!

Ауызашар соңында құран оқылып, елдің амандығы мен бірлігі үшін бата жасалды.

 

«Нұр Ғасыр» облыстық орталық  мешітінің баспасөз қызметі

IMG_9588 IMG_9589 IMG_9593 IMG_9599 IMG_9615 IMG_9618 IMG_9624 IMG_9627 IMG_9642 IMG_9651 IMG_9660 IMG_9671 IMG_9680 IMG_9688 IMG_9692 IMG_9696 IMG_9704 IMG_9712

Бас мүфти Ержан қажы Малғажыұлы Рамазан айында қайырымдылық шарасын көптеп ұйымдастыру жөнінде үндеу жасаған болатын. Осыған орай, Ақтөбе қаласында «Нұр Ғасыр» облыстық орталық мешітінің ұйымдастыруымен «Рамазан – рақым айы» атты қайырымдылық шарасы өтті. Шара барысында мешіт жамағатының демеушілік етуімен қаладағы жағдайы төмен 100 отбасына азық-түлікпен (әр адам басына – макарон 2 кг, ұн 4 кг, күріш 1 кг, қант 1 кг, сұйық май 2 лт, шәй 250 гр, құрма 1 пачка, тәтті тоқаштар 400 гр) көмек көрсетілді. Мұқтаж отбасылардың тізімі мешітке өтініш білдірген жандар мен қалалық әкімдік ұсынған отбасылардан құралған.

Жиылған қауым алдында сөз алған Өкіл имам Төлеби Оспан Рамазан айымен құттықтай келе ораза айында Бас мүфтидің бастамасымен атқарылып жатқан игі шаралар барысымен таныстырды. Алланың сынағына мойымай, қасиетті айда Жаратқаннан жақсы дұға-тілектер жасауға шақырды. Сонымен қатар БАҚ өкілдеріне сұқбат берді.

Естеріңізге сала кетейік, Ақтөбе қаласында Рамазан айының құрметіне «Оразаның әр күніне бір сауап» атты сауапты іс-шаралар жүзеге асырылуда. Нақытырақ айтқанда, Бас мүфти үндеуі мен құттықтауы және ораза кестесін т.б. оразаға қатысты парақшалар халыққа тегін таратылып, күнделікті мешіт жамағатына арнап ауызашар дастархандары ұйымдастырылды. Тарауих нмазына келген жамағатқа тегін такси қойылып, мешіттің жас жамағаты қария кісілердің үйлерін жинап беріп, қарттардың батасын алды. Қазақи салт бойынша асар деген ұжымды тірілтіп, үй салып жатқан азаматтарға жастар асарлатып көмек көрсету сынды істер атқарылуда.

Мұндай қайырымды шаралар өз кезегінде қоғамдағы адамдардың арасын жақсартуға және бір-біріне мейірімділік танытуға шақырады. Барлық іс-шараларға қолдау көрсетіп келе жатқан ақтөбелік жұртшылыққа Алла Тағала разы болсын дегіміз келеді.

«Нұр Ғасыр» облыстық орталық мешітінің баспасөз қызметі

_MG_9436  _MG_9456_MG_9444 _MG_9503 _MG_9570

Бүгін, жұма күні «Нұр Ғасыр» облыстық орталық мешітінде «Рамазан – Құран айы» атты рухани іс-шара өтті. Шара барысында Түркиядан келген Дашкыран Мурад, Тикен Қиям, Кылыч Ахмад және алматылық Мансур Инаятулла қарилар Құран Кәрімнің кейбір сүре аяттарын нақышына келтіре (ашыр) оқыды. Өкіл имам Төлеби Оспан оқылған аяттардың қазақша мағынасын айтып, кеңінен түсіндіріп отырды.

Оқылған аяттарда адамдар арасындағы татулық пен бірлік, ұлттар мен рулар арасындағы ынтымақ, нақақтан-нақақ кісі өлтірудің күнә іс екендігі, ағайын-туыс арасын жарастыру, адамды келемеждемеу, мазақ етпеу, ғайбат айтпау, кісіні аңдымау, оның әр ісіне күмәнмен қарамау, Исламның байсалды орта жолын ұстану және мүміннің сипаттары сөз етілді.

Өкінішке орай, Құран аяттары мен Пайғамбар хадистерін дұрыс түсінбегендіктен кейбіреулер түрлі адасушылыққа барып, арандатушылықтың құрбанына айналуда. Шараның мақсаты – Алланың аяттарын мәнерлеп оқып, оның мағынасын түсіндіру арқылы мұсылман жұртшылығының рухын көтеру. Мұсылман баласының бағыт-бағдары Құрандағы үкімдер мен тиымдарды жеткізіп, жамағатты бірлікке, ынтымаққа, татулыққа насихаттау.

Өкіл имам Төлеби Дәділұлы «Құран – адам баласын екі дүниеде бақытқа жетелейтін иләһи кітап. Ол біздің рухани шамшырағымыз. Егер біз құран аяттары мен пайғамбар өсиеттерін дұрыс түсініп, орынды қолдана білсек, Алланың ризашылығына бөленіп, тура жол табамыз. Ал, бұрыс қолдансақ, о дүниені айтпағанда мына жалғанның өзінде қиыншылықтан арылмаймыз. Жоғарыдағы аяттарда мүміннің сипаттары баяндалды. Сол сипаттарды бойымызға сіңіре білсек, қоғамға пайдалы адам бола аламыз», — дей келе жамағатты  аманатқа қиянат етпеуге, өзіне жүктелген жауапкершілікті сезінуге және жамағаттың бірлігіне сызат түсіретін әрекеттер мен бүліктен аулақ болуға шақырды.

 

«Нұр Ғасыр» облыстық орталық мешітінің Баспасөз қызметі

IMG_9282 IMG_9283 IMG_9292 IMG_9297 IMG_9313 IMG_9315 IMG_9317 IMG_9328 IMG_9332 IMG_9333

Ел болашағы жастарды имандылыққа тәрбиелеу ісі аса маңызды рөлге ие қызмет. Осы бағытта Ақтөбе облысында «Имани жаз-2016» атты жазғы діни сауат ашу курсы ұйымдастырылды.

Сауат ашу курсында балаларды отансүйгіштікке, имандылыққа, ата-ананы құрметтеу, үлкенге құрмет, кішіге ізет көрсету тақырыптары қамтылды. Сонымен қатар шәкірттерге құран әліппесі, мұсылман әдебі және имандылық дәрістер жүргізілді.

Басты мақсат – жастарды имандылыққа тәрбиелей отырып, бос уақыттарын тиімді пайдалануға дағдыландыруды, қоғамдағы жат қылықтардан бойын аулаққа ұстауға тәрбилеу. Аталмыш жазғы діни сауат ашу курсында Ақтөбе қаласы бойынша 142 ұл бала, 71 қыз бала дәріс алса, аудандарда 312 ұл бала, 111 қыз бала білім нәрімен сусындады.

Маусым айының 01-20 күндері өткізілген діни сауат ашу курсының соңында шәкірттердің курста алған білімдерін тексеру үшін емтихан алынып, оларға арнайы сертификаттар табысталды. Соңдай-ақ, дастархан жайылып, шәкірттерге сый-сыяпат жасалды.

 

«Нұр Ғасыр» облыстық орталық мешітінің баспасөз қызметі

 

  IMG_4722 IMG_4724 IMG_4729 IMG_8596 IMG_859820160619_120458[1] IMG_8888 IMG_8898 IMG_8950 IMG_8954 IMG_90024 IMG_9018 IMG_9021 IMG_9038

Рамазан айының қарсаңында Бас мүфти Ержан қажы Малғажыұлының үндеуі үн қосу мақсатында Ақтөбе қаласында «Оразаның әр күніне бір сауап» атты сауапты іс-шаралар жүзеге асырылуда. Нақтырақ айтқанда, Бас мүфти үндеуі мен құттықтауы және ораза кестесін т.б. оразаға қатысты парақшалар халыққа тегін тарату, қарт кісілердің үй шаруасына көмектесіп, жинастырып беруге мешіттің жастар жамағатын ұйымдастыру, дүкендерде тегін нан тарату, мұқтаж отбасына қайырымдылық көмек көрсету, үй салып жатқан отбасыларға жамағаттың көмегімен асарға бару, мешіт жамағатына арнап ауызашар дастарханын ұйымдастыру, тарауих намазына келген жамағатқа тегін такси ұйымдастыру, қарттар үйінде арнайы ауызашар дастарханын ұйымдастыру, «Нұр Мүбәрак» пен еліміздегі медреселерді  жарнамалау сынды іс-шаралар  атқарылды. Бұл шараларға қаладағы мешіттердің ұжымы мен жамағаты жұмылдырылды.

Алдағы уақытта «Рамазан – Рақым айы» атты қайырымдылық шарасын ауқымды деңгейде өткізу, балалар үйінде арнайы мерекелік шара ұйымдастыру, «Нұр Мүбәрак» университеті мен медреселерде білім алып жатқан ақтөбелік мұқтаж студенттердің оқу ақысына көмек беру секілді игі істер өз жалғасын таппақ.

 

«Нұр Ғасыр» облыстық орталық мешітінің Баспасөз қызметі

1 3 4 5 6 7 IMG_8497 IMG_8536 IMG_8575 IMG_8589 IMG_8591 IMG_8603 IMG_8607 IMG_8611 IMG_8613 IMG_8619 IMG_8651 IMG_8773 IMG_8774 IMG_8777 IMG_8779 IMG_8825 IMG_8840 IMG_9110 IMG_9119 IMG_9131

«Аңсар» ақпараттық талдау орталығының ұйымдастыруымен Ақтөбе облысы имамдарының білімін жетілдіру мақсатында семинар өтті. Семинарда имамдар ҚР Мәдениет және Спорт министрлігі Дін істері комитетінің діни сараптама басқармасының басшысы Мырзаев Балғабек пен ҚМДБ-ның уағыз-насихат бөлімінің меңгерушісі исламтанушы, PhD доктор Оңғаров Ершаттан дәріс тыңдады.

Шара барысында «Зайырлы мемлекеттегі діннің орны», «Жат ағыммен күресудің жолдары» тақырыптарында дәрістер оқылды. Семинар соңында қатысушы имамдарға сертификаттар  мен әдістемелік құралдар таратылды.

Сондай-ақ, Ершат Ағыбайұлы Мұғалжар ауданына арнайы барып, жергілікті жамағатқа жайылған ауызашар дастарханына қатысты. Ауызашар барысында жамағатқа уағыз айтып, елді ынтымақ-бірлікке шақырды. «Нұртай» аудандық мешітінде тарауих намазын оқыды.

 

«Нұр Ғасыр» облыстық орталық мешітінің баспасөз қызметі

1 2 3 4 5

OLYMPUS DIGITAL CAMERA

OLYMPUS DIGITAL CAMERA

OLYMPUS DIGITAL CAMERA

OLYMPUS DIGITAL CAMERA

Бүгін ҚМДБ-ның үгіт-насихат бөлімінің меңгерушісі, исламтанушы, PhD доктор Ершат Оңғаров Ақтөбе облысына арнайы іс-сапармен келді. Ершат Ағыбайұлы алғашқы кездесуін Алға ауданынан бастап, жергілікті жамағатпен жүздесті. Ол өз сөзінде қасиетті Рамазан айының қадір-қасиеті, Жаратқанның нығметтеріне шүкір ету, жамағаттың бірлігін сақтаудың маңыздылығына тоқталды.

Ғұламалар кеңесінің хатшысы Ершат Ағыбайұлы: «…Пайғамбарымыз (с.ғ.с.) көркем мінез-құлықты толықтырушы. Алла Тағала құранда Алла елшісін әлемдерге рақым ретінде жіберілгендігін баяндайды. Ислам діні – жеңілдік діні. Діннің қағидаттарын өзімізге ауырлатып алмайық. Жамағаттан бөлінбейік. Өйткені, пайғамбарымыз үмметін көпшілікпен бірге болуға үндеген», — деген пікірін ортаға салды.

Уағыз соңында жамағаттың көкейтесті мәзһаб мәселесі, намазға толық қатысу, құран оқу сынды сауалдарына да жауап берілді.

Сонымен қатар ҚМДБ-ның бөлім басшысы Е.Оңғаров «Ақтөбе» медресесінің ұжымымен кездесті. Директор Ә.Дәуренбеков медресенің тыныс-тіршілігімен таныстырып, шәкірттердің жағдайын баяндады.

Естеріңізге сала кетейік, Ершат Оңғаров бүгін тарауих намазында «Нұр Ғасыр» мешітіне жиналған жамағатқа уағыз-насихат айтады деп күтілуде.

 

«Нұр Ғасыр» облыстық орталық мешітінің Баспасөз қызметі

IMG_8483 IMG_8484 IMG_8503 IMG_8507 IMG_8508 IMG_8543 IMG_8552 IMG_8711 IMG_8712